Te Puna o te Kī

Ngā Kaiwhakahaere

Ko Te Puna o te Kī te hui wānanga tuatahi e whakahaeretia ana e Te Ipukarea, te manatū rangahau i te Reo Māori. Ko te hiahia kia whakatūria tēnei hui ia rua tau, hei whakahaumī i ngā mātanga katoa o tēnā ao, o tēnā riu, o tēnā wao o te Ao Māori, hei aha? Hei wānanga tahi i ērā āhuatanga e whai pātanga ana ki a tātou te Māori. Ka mutu, ko te matua, kia rere te reo Māori hei waka kawe i ngā whakaaro o te tangata.

Te Ipukarea – National Māori Language Institute

Ko te whakarei i te kounga o te reo Māori te kaupapa matua o Te Ipukarea. Ka whāia tēnei mā te āta rangahau i te reo me ngā tikanga Māori. Ka kimihia anō hoki ngā ara kia eke ai te whakaako me te tuhituhi i te reo ki ngā taumata e tika ana kia puāwai ngā wawata o ngā kawau mārō o te reo nei. Ko te nuinga o ngā kaupapa rangahau a Te Ipukarea e hāngai ana ki te whakamahinga o ngā taputapu hangarau i roto i ngā mahi whakarauora i te reo Māori, me te mōhio tonu, koinei tētahi ara e taea ai e te reo Māori te ora i waenga i ngā whakatupuranga e haere ake nei.

Pae Whakarite

Ko te pae whakarite tēnei e whakamahiti korou ana kia tutuki mārika tā tātou hui.

  • Dr. Dean P. S. Mahuta
  • Dr. Rachael Ka‘ai-Mahuta
  • Tania Smith (kaiāwhina ahorangi)
  • Josephine Poutama (kaiāwhina matua)
  • Hēmi Kelly
.